美容及按摩邊間好？2026全港推介

新客預約試做價$240，原價$480。

約6點，5點50分上到去，職員俾咗份資料叫我填，查家宅式填表。而且填完資料後等到6點08分先有人出現，同我講plan、做一次見唔到效果，見我冇乜反應，就帶我入房。療程30分鐘搞掂✅出到嚟又坐房仔同我傾療程，一次唔得，sell 買10次、我依然表示考慮下，佢就話可以俾半價優惠、$2400 買5次嚟做。我強烈表達我要考慮下，佢即刻黑口黑面表示2千幾蚊點解仲要考慮，已經好抵好透明既收費。最後，我堅持話唔Join，黑面姐當住我面揸巢張報價紙、語氣好差咁應咗我一個字：好。總之，又係聲稱話唔sell、自有選擇，結果都係呃人。

睇IG廣告見到佢哋有個$299 1+1 facial，見咁平就諗住試吓，佢哋要收$100訂金留位費，療程當日費用扣返，其實都有啲驚，不過啲朋友話好多美容院都係咁，我又見佢哋小店形式，出晒樣應該都冇問題，所以就照比咗同埋上咗去～

上到去真係冇額外收費，亦都冇hard sell，我做完仲買多咗五次，佢哋可以俾$100 x5 訂金留住優惠，我覺得幾好

我今次做嗰個係比較普通嘅Facial，深層清潔為主，過程中洗面針清敷mask全部都幾舒服，我仲瞓着咗㖭😂 但係效果就暫時未睇得好明顯，主要都係乾淨咗嘅！

效果係無嘅。做facial我都冇期望有咩特別效果，畢竟唔係醫學美容。只係想搵個地方做下清潔、保濕。我本來皮膚狀態好穩定㗎，結果越做越差。

佢推介咗啲唔適合我膚質嘅Facial俾我，做完之後起咗好多粒粒，過咗好多個月先好返。仲要話係我皮膚嘅問題，話佢好多客做咗都冇事，未見過好似我咁。淨係識推卸責任。我想轉療程，又冇得直接轉，一定要我再比錢，至少再俾多幾千蚊先可以轉。

客觀咁講，佢環境都OK。基礎嘅嗰啲針清，修眉，做得都OK，做嘅時候都唔會hard sell。所以就俾佢氹到。但係一做完去到顧問房就勁hard sell。仲要個女經理勁串囉，唔肯俾錢就黑面。

依家都冇計，我諗佢一定唔會退錢俾我。我都唔想為呢個嘥心機。睇路啦大家。