效果係無嘅。做facial我都冇期望有咩特別效果，畢竟唔係醫學美容。只係想搵個地方做下清潔、保濕。我本來皮膚狀態好穩定㗎，結果越做越差。
佢推介咗啲唔適合我膚質嘅Facial俾我，做完之後起咗好多粒粒，過咗好多個月先好返。仲要話係我皮膚嘅問題，話佢好多客做咗都冇事，未見過好似我咁。淨係識推卸責任。我想轉療程，又冇得直接轉，一定要我再比錢，至少再俾多幾千蚊先可以轉。
客觀咁講，佢環境都OK。基礎嘅嗰啲針清，修眉，做得都OK，做嘅時候都唔會hard sell。所以就俾佢氹到。但係一做完去到顧問房就勁hard sell。仲要個女經理勁串囉，唔肯俾錢就黑面。
依家都冇計，我諗佢一定唔會退錢俾我。我都唔想為呢個嘥心機。睇路啦大家。
警世！唔好貪平去 sreya.dream 穿耳！！！
第一，鋪頭衛生情況惡劣。地下同張凳全部好多毛毛嘢，而地下污糟，完全唔似清潔過或者係無菌。店內外都堆滿淘寶包裹嘅紙盒同包裝。
第二，店主手勢好差。佢用錯耳釘，會喺穿耳骨用幼針同唔夠長嘅耳釘，無法保留足夠空間俾恢復期間出現嘅腫脹情況。用嘅耳釘同針懷疑係淘寶貨。此外，佢穿得好粗魯，夾硬將支針插入耳骨。佢喺穿耳前會戴住醫療手套㩒電話，再求其噴啲酒精搓幾下再幫客人穿耳，毫無衛生常識。
🥲
我喺間美容院做療程之後受傷仲發炎。
當時療程期間已出現耳部異常（其中一邊出血，我自己已經即時處理咗😮💨），但療程仍然繼續進行。
我離開之後冇耐，另一邊原本完全冇問題嘅耳仔開始流血，第二日出現發炎同流膿，最後需要接受抗生素治療。
當時我只係提過其中一邊耳仔平時比較敏感，但實際發炎嘅係另一邊本身完全正常嘅耳仔。而對方指情況可能係我體質問題，但實際上另一邊耳仔從未試過出血或發炎。
之後我自己去睇醫生，而醫療紀錄已經顯示有發炎情況。
依家同美容院交涉緊，對方表示情況未必同療程有關，並拒絕退款及承擔醫療費用。
目前仍有未使用療程金額約HKD2000。
我已經向消費者委員會跟進，亦已向衛生署反映。
分享出嚟係希望大家注意同小心選擇🙏