記錄每一句心聲真相由你揭曉

做第一次嘅時候，雖然無腫，但根本「完全無效果」。最恐怖嘅係個 sales 嘅嘴臉。我收咗工想去放鬆下，結果由一入去開始 sell 到夜晚 9 點半先肯放人！

第二次療程（上星期）：直接變熊貓眼！做完第二日，下眼皮敏感加發炎(睇咗醫生），問佢哋想點處理。

估下佢哋點？

直接出律師信叫我收聲，話不實指控。我醫生紙都send埋。佢哋竟然係咁樣對客。

親身經歷，大家小心

係觀塘，本身見IG成個page 都係講黑眼圈覆蓋術，話做3次完整療程就可以改善9成，心郁郁就去試下 WhatsApp 都有講到療程幾錢的，上到去結果都未開始就sell我話我個情況比較嚴重，淨係做3次一定唔夠，要6次，然後話我有淚溝驚好難上色於是sell埋rrs 眼部療程話補充膠原，最搞笑連peel都話sell眼，個價錢出邊可以做晒成塊面，最終我比左3萬幾買佢幾樣package

第二次上去做，開始話我塊面太乾，其實都好影響對眼上色色素吸收，sell我做facial, 勁誇張，我之前做大間連鎖都無咁密，仲要都唔會一路做一路sell lo，拒絕2次最終又失守買埋20次細胞機，最慘比佢知我有玫瑰座艙，次次sell, 中間仲有買過1、2次m22, 幾次peel, 今個個上去仲離譜，入去只係同我洗左個面就停低開始sell,我話上次比左錢唔想再join住，跟住就攤我一陣出去搵另一個人入黎房係我側邊sell, 話唔啦，之後每做一樣野e.g. Lala peel完又要攤，跟住個類似顧問又入黎sell, 拒絕做緊個美容師又問係咩問題唔join，前前後後成2個幾鐘，最後幫我敷面膜係唔知有冇10分鐘，就有人又入黎sell, 跟住見我想走直程話幫我一路起面膜一路講，最後都係要sell面膜，我講左幾次唔買，買就淨係350蚊果隻，佢點都要我買750蚊一set果隻，最後費事搞咁耐我都係比左750

我自問已經勁好態度同佢地有傾有講好友善，但可能就係利用我友善易氹，每一次都叫我買野，最近呢次我真係超唔開心先打算係到講，我幫襯左5個月上去我諗住9，10次，我買既係package, 唔係單次消費，唔明點解買完package我表示唔想再買住都唔得，成件事我體驗真係太差太唔開心，以為細鋪無咁sell, 點知連美容師都會一路做一路sell😫

我本身係Derme_長期客戶，喺四月嘅時候去做facial 佢哋推銷我再買套票。喺四月嘅時候我嘅情緒好差起伏好大，我當日上去嘅時候其實情緒都係有問題。顧問嗰時Sell我，我就買左48000既套票。到我做完之後同朋友傾偈講咗俾佢知係美容院啱啱買咗套票，朋友就覺得我最近嘅情緒有問題，嗰下會唔會係比情緒影響咗呢？？

咁跟住我哋就去咗睇精神科醫生，經醫生嘅診斷 醫生話我係有「幻聽 、思覺失調、妄想、被害妄想」之後我就一路keep住食藥，最後決定離開香港去休養。

我準備就會離開香港去休養，所以今日我朋友就陪我上去美容院帶埋醫生紙，諗住傾退款。我哋一開始都係好有歉意咁樣同經理講。因為都知道麻煩到人哋，然後經理話叫我哋坐，等品牌經理回覆。我哋問大約要幾耐？（因為本身都坐咗45分鐘）然後經理話唔知。我哋問可唔可以俾佢個電話我哋直接溝通。經理就話佢冇品牌經理電話。然後仲拋下一句「你自己上網check啦」我哋真係呆咗，真係冇諗過喺香港數一數二嘅美容院嘅經理態度可以差到咁樣。

whatsapp報價和實際上門報價完全不同，差咗$1000以上，公司同師傅溝通出錯，客服完全幫唔到手處理，逼個客硬食，師傅仲要遲到2小時

初初搵jo_studuo.hk整係幾整得幾好嘅，但最近幾次都係約最尾個美甲時段，佢就好似趕收工咁，整得好求其，又整到我流晒血咁。

係過程中，唔會問你介唔介意佢食煙，直接一路食一路整。

另外，節日前會有附加費，但預約時無收到通知，整完就直接收節日價錢。

於此店 進行了紋唇療程

預約前沒有說明 要補多次顏色

進行中的時候感覺到 美容師 很隨便上色

而且 在進行過程中不停告訴 需要多次補色

完成後亦沒有 再告知任何做完後需要留意的事項

只是不停游說買套票 6次

後期在網上亦看見有很多人 說明同一個問題

最後 大概一個月左右已經沒有顏色了

上次去呢間gel甲，雖然環境好乾淨，但係服務一啲都唔好。我去嘅時候有friend陪住，佢都寫明可以攜伴，咁我同friend傾計，佢就細細聲嘖我哋。之後佢問我要修咩甲型，我話跟圖，尖少少可以，結果佢修到我啲指甲貼晒肉，仲痛咗一個禮拜，依家啲指甲都長度不一，甲型好奇怪。我俾佢個張圖係人哋嘅穿戴甲，有少少透明底，跟住佢上手嘅時候冇遮到指甲線，佢上top之前有問我o唔ok，我話好明顯嘅指甲線，佢直接攞啲白色顏料拍咗兩吓就話搞掂，但真係好核突。。。而且gel甲有好大條安全線，指尖都冇完全包圍到gel，依家已經開始發黃。

Gel 甲中伏

個漸進式搞到好似瘀血咁 同埋個格仔咩事勁求其

又唔平

😢 好核突好失望 同張圖完全唔同

我嘅漸進式呢？

小心揀舖頭

依間野 個衰女人叫yoko

唔好幫襯呀

就係佢講明 唔會sell，無隱藏式收費

但上到去係甘sell

脫疣$388/$588，原來唔係指全面或全頸

仲有分面上、下part，頸就分前頸、後頸

再原來有得搽舒緩膏（類似麻醉膏）

但逐part計，每part$100

我做脫疣 係第一次 真係唔識

約時有講我第一次做 亦有問清楚會唔會sell，有無額外收費嗰個，yoko話唔會sell，無額外/隱藏式收費

我話做 $388 面脫疣，佢話另加$700可以做埋頸

上到去，訓低先知$388原來唔係全面（約時佢無講有分部位）

只係塊面嘅其中一part

面部係有分上part 下part

而頸有有細分前頸、後頸

再問我做$388定$588

我問我個樣甘多疣，即係計幾多part？幾多錢？$388 同 $588 又有咩分別？

佢答：$388 係...(我唔記得叫咩啦)，$588 就係Co2laser 會康復得快啲，快啲結焦

我因為真係有需要做，就照做啦

最後揀咗 $588 x 4 parts

到脫果時，我好痛

佢問我：要唔要舒緩膏

我話要，佢先講原來落個落舒緩膏，要加 $100，又黎逐part計

咁我做4part，即係加$400啦

DKLM 我都肉隨針板上

乜都臨時講逐part計同加幾多錢

療程繼續果陣，係甘叫我買脫疣保養plan $8800

我話無甘多現金，亦無甘多喺銀行

最後由我當初以為嘅 $388 變左 $588

再以為 $388 / $588 全面 / 全頸甘

變左比 $588 x 4part ，加 $400 ( 4part 麻醉膏) + $398 買修復膏（支野係佢臨比我先話要$398嘅)

令我反感嘅係：刻意唔寫明 $388 只係單一部位，唔係全面全頸

去到又講有 $588

再比支舒緩膏我，之後先講要加錢買

遇著我依啲唔識脫疣玩法，但又真係有需要脫疣嘅就中左伏，以為$388成塊面，$700做晒頸

屌，原來唔係‼️

(做完兩三日睇返，先知佢有啲疣只係辣一辣就當整左囉）

黑店，事源我想整嵌甲系ig 搵到喱間野 之後上到去 整完 系咁sale 您做一年 要兩禮拜黎一次，咁我就碌左卡 。整一年吾緊要 。您整得好 我冇所謂 。

但系好笑既系 受後條款之類都冇講明又冇比人睇左張單先，碌完卡，係我主動提出要求要單據先sd 文件比我睇，佢地連會員卡都冇一張 。連單據都打錯 ！先欺騙成份話術叫我碌完卡之後，我要求商家出示單據先睇到 各種霸王條款，佢地叫我碌卡個時 都冇同我講 （您去買衫 人地都講話貨品賣出恕不退換/退款）現場都有要求退款，各種推銷話術辭，不肯全單退款，另外之前我都有買佢灰甲服務 。 經過幾番爭辯先肯退灰指甲項目

退完灰甲 之後過幾日又打嚟問我系咪 打左去銀行去cut左嵌甲數 個時我去左旅行 。又叫我打返比銀行講清楚 。九吾搭八 佢打黎之後 我唸唸下 。吾好煩 叫佢退埋嵌甲錢 佢又講以下句子

「馬蹄甲 係商品你已購買所有商品擺喺我哋度，然後你每次嚟我哋幫你免費安裝。馬蹄甲唔係服務 而係商品。

灰甲療程就係服務，所以我哋全數退返俾你。」喱句說話佢地當場都冇講過 系之後WhatsApp 講 。咁我都話2萬 您退返一半您都有賺啦 。講講下 機都吾應人。（已讀不回）有料 擺到明當人地系水魚囉。佢地真系好事後精。

佢地擺明就呃人錢啦 。都吾知系咪成日咁呃人錢 。騙徒手法果然系層出不窮。WhatsApp 又吾應機 。 大家千祈吾好再比佢地呃錢👿👿