專頁小編你好，想藉由我嘅親身血淚史警世，切勿再相信 Threads 上面嗰啲寫手寫字、營造暖心小店人設嘅美容院！
最近喺 Threads 上面風大到仆街，見佢成日貼啲「手寫字」、又講到自己幾有理念、零 Selling、靜過圖書館，點知親身去試完先知根本係一場大騙局。呢間嘢根本稱不上係咩「美容院」，充其量只係一間**「美容劏房」**！
我當日去做咗針清加冰冰針，埋單擺低咗差唔多 $1,600。但呢個價錢換嚟嘅體驗，簡直係物非所值、極度中伏：
1. 「美容劏房」環境極差，毫無私隱：
間鋪喺商場門面主要係賣零售 product，做 Facial 嘅地方同 Cashier 竟然只係得「一簾之隔」，連間獨立房都冇！你做緊 Facial 嗰陣，出面零售客行過、講嘢甚至商場嘅雜音都聽得一清二楚。店主吹到咩「靜過圖書館」，根本係大話連篇！
2. 完全物非所值，貴過做正規美容院：
一間連房都冇嘅劏房格局，收我大半千、甚至 $1,600 一單。佢吹噓咩「學生妹價錢、貴婦手勢」，但我全程扮零知識，佢講嘅嘢好一般，手勢亦只係不過不失。請問邊個學生妹會花千六蚊去呢啲劏房做？呢個價位喺出面做正規美容院，享受獨立房同環境，好過喺度受氣千倍！
3. 產品正貨疑問：
事後經其他脆友提醒先想返起，我加嘅「冰冰針」，做之前完全冇當面拆盒比我睇係咪正貨 Neauvia！收得呢個價，連最基本嘅透明度同保障都冇。
4. 說好的零 Sell 兼包裝人設：
現場雖然未至於硬 Sell 到黑面，但走嗰陣都有「輕輕講」Join 方案，絕非佢自稱嘅純粹無 Sell。最嘔心嘅係佢哋好鍾意喺網上立人設，寫手寫字、講到會送陳皮茶、教人整面膜，甚至做 post 抹黑隔籬「大財團逼人買幾萬蚊套餐」——但其實佢隔籬左右根本係賣衫食肆！全靠吹水同掩飾嚟生存。
最無恥嘅係，當我喺 Threads 講出真實體驗之後，佢哋竟然此地無銀咁偷偷地刪咗「靜過圖書館」嘅 Tag，跟住仲要 Block 埋我！
我知道去試新店係自己嘅選擇，但呢間嘢用手寫字包裝到自己好高尚、好有良心，實際上環境極差、價格過高、營商手法虛偽。大家千個人真係唔好再俾佢哋手寫字同文青包裝呃到！