因為大細面，第1次上去打瘦面瘦鼻翼(效果都叫到有瘦到既)，所以就有2次打瘦面啦(咁都係同一個醫生黎既)。到第3次打瘦面(今次係女醫生A仲要打凹左我塊面)，之後我WhatsApp同姑娘反映返凹左(睇返之前啲相係冇凹)，姑娘都答我冇凹，我都唔想同佢拗。
咁我上網睇過R1同R2(最後覺得R2岩我)所以就去左佢診所打啦，第1次打完已經反映話淚溝位凹左(姑娘又例牌話差唔多姐，黑眼圈冇咁黑)我明明講淚溝，佢同我講黑眼圈都算，之後諗住可能打多次效果好啲？所以就再上去打第2枝(因為個陣個姑娘話3枝為一個療程之類既說話)，點知打完仲明顯凹左。
過左半年諗住去旅行影下靚相，所以又約佢打埋第3枝+瘦面(今次係女醫生b幫我打既，唔知係咪打既位唔同？我面型終於對稱，但對眼依然都係好凹，女醫生就話打R2係咁嫁，除非做眼埋線啦)咁我見打R2都咁，就唔想再課金冇聽女醫生講做埋線。
呢個就係惡夢既開始，淚溝凹到啊嘛都唔認得帶帽都遮唔到啊，搞到旅行日日都要帶口罩，相都唔敢影張，我又WhatsApp反映(姑娘今次有新回應，將女醫生b講既野再講多次我聽)。姐係咩？醫生講乜姑娘就講乜？醫生0反應姑娘就話同之前差唔多啦？之後我忍唔到話佢(姑娘先叫我返診所，佢哋處理返)。
咁我諗應該都唔會衰得去邊掛？點知真係可以越黎越衰，打完枝唔知咩針(姑娘就話會腫會瘀既)咁隔一日我就問左眼打完凸出黎正常？姑娘表示正常的，要俾少少時間消腫，咁過左6日我sd相問係未散瘀定咩？(其實係想問定打衰左？)
姑娘表示你好！看你的照片還未散瘀，要俾少少時間，咁我都表示左眼仲凸緊出嚟，姑娘表示用導管做，凸出黎位置要俾少少時間康復，我就話但係右眼已經冇腫，姑娘表示導管中左血管所以會容易腫同凸出嚟叫我用冰敷下，我表示ok
打針2星期左眼0消腫，右眼都吸收左少少(我就開始上網睇，搵圖sd比姑娘)。2星期後，姑娘都0諗住叫我返診所比醫生望望，到我上網睇返自己相似既情況忍唔住鬧佢地，姑娘先叫我返診所比醫生睇睇。
佢所謂既醫美諮詢都係姑娘講，療程後完全0跟進！