7
77._.cos
不推薦
·用戶分享
去葵興整甲整到成肚火，未見過一間舖可以由環境、衛生到技術都垃圾成咁！ 極致中伏位： 1️⃣ 遲到＋環境極惡劣： Book 咗 10:00，美甲師 10:10 才施施然到達。一入去間舖臭到想嘔，浸甲油膠味濃到懷疑甲醛嚴重超標！地面仲要超污糟，成地黑麻麻污漬。 2️⃣ 衛生意識＝零： 全個過程 完全冇見過佢消毒任何工具！喺而家咁嘅衛生要求下，竟然可以攞起啲上手用完嘅嘢就直接整落我度，諗起都想洗手。 3️⃣ 長短畸形手： 我有一隻甲斷咗，主動問不如磨短其他配合返，佢完全無視直接整落去！結果長短不一，每隻甲型收窄角度都唔同，亂到七彩，我主動同佢講改極都係唔對稱嘅我都費事叫佢再執，浪費曬啲時間。 4️⃣ 技術垃圾＋推卸責任： 反映甲型唔對稱，佢竟然話係因為我「冇做延長」同「指甲短」？修唔修到對稱係基本功，關長短咩事？之後仲要前言不對後語，真係垃圾到冇得再垃圾。 最後我想問一下修長度會令到手唔舒服㗎咩？😁我淨係知見到我隻手咁樣我而家心裏面都好唔舒服 返大陸一舊水都做得好過佢 仲好意思叫人哋唔好再返大陸整 唔係以前gel開嗰個冇做無啦啦點會轉人整